曹仁超文集-第263部分

按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！



　　金价响1999年8月见二百五十二美元，喺2001年3月见二百五十七美元，形成双底后所拉出嘅上升轨至今未破。5月份见七百三十美元，因过分抛离上升轨而调整，一度跌至五百三十美元才反弹，但唔代表乜嘢。　

　　以下为美国CPI受控制讯号：一、油价跌穿四十五美元；二、金价跌穿五百三十美元；美国CPI升幅才受控制，家吓言之过早。美国经济无可避免进入滞胀期（stagflation），喺滞胀期股市表现缺乏方向，只能玩拣股游戏，即未来纯利可上升嘅股份，纯利无法上升嘅股份无投资价值。响9月20日前，值得担心嘅数据仲有好多。　

　　愈嚟愈肯定经济进入滞胀期，睇好睇淡两不宜，但投资要格外小心。大市继续玩〃拣股〃游戏（stock　picking）；楼价只会呆滞而非大跌。股市一如超市，里面乜都有，至于投资成绩就睇你嘅拣股成绩。股票市场有如战场，有人名成利就，有人损失惨重。今年航空股表现及零售股表现令人失望。　

　　联华超市（980）股价回落，因2004年12月放宽外资进入，以履行入世承诺，形成所有零售业皆大幅扩张，结果压缩咗获利率，睇嚟内地零售业将有一番恶斗。中国移动（941）中联通（762）、内地银行股及保险股则表现不俗。至于资源股，上半年表现唔错，5月之后表现麻麻。　

　　控制土地供应楼价易升难跌　

　　事后孔明咁讲，如巧妙地利用衍生工具，例如5月份买认沽期权、6月份买认购期权兼选中对象，8月份已可以开香槟！任何产品都有本身优点同缺点。衍生工具嘅优点系畀你巨大杠杆比率而同时将风险减至最低（最大损失系一无所有，唔同做孖展炒股票会上身），缺点系时间值对持有者不利，时间一天天过去，如你买入嘅衍生工具所代表股份唔升，就系咁先。点样巧妙运用衍生工具？必须充分掌握其优点同缺点。顺带一提系，9月3日研讨会第一天已派出二千多张入场券，但仍有千多张，相信本周内可派晒，多谢各位支持。　

　　澳元8月2日加息后，消费信心跌至五年内低点，跌幅系十七年内最大；7月新屋销售降10。5％，系十七个月内最低。睇嚟澳洲经济正进入放缓期。　

　　中国固定资产投资1月至7月仍升30。5％，达四万四千八百亿元人民币，较1月至6月升幅31。3％有所放缓；经济放缓期系咪7月开始？一个月仍未作得准。　

　　中国银监会要求内地银行进一步收紧房地产贷款，以防投资激增，导致日后供应过剩。　

　　我老曹上半年同投资界倾偈，我老曹话〃内地房地产除上海外仍可睇好〃。朋友话我老曹唔懂中国政策。今年已过咗七个多月，中央调整房地产政策唔少已出台，但内地房地产又点？假设政府肯大量供应土地，楼价唔跌才怪！1980及81年香港政府大量推出土地，引发1982至84年楼价回落，由于巧遇1982年9月中国政府宣布收回1997年7月香港主权，市场分析认为受政治因素影响，而忽视1980、81年香港政府大量卖地嘅客观因素。反之，1991至97年港英政府一再宣布管制香港楼市方法，由于受中英联合声明所规限，港府无法增加土地供应，结果香港1991至97年楼价除因1994年利率上升而令楼价下调外，其余年份皆上升！今天睇番中国楼市：一、利率上升极之有限；二、政府不但冇增加土地供应，反而控制土地供应。喺上述两大前提下，内地房　地产价格仲系易升难跌，唔好再话我老曹唔懂内地政策。　

　　8月15日国家统计局公布，今年7月份全国七十个大城市房屋售价较去年同期升5。7％，较6月份升0。1％；新建商品住房升6。7％（较6月份升0。1％），经济适用房及高档住房分别升4。7％及8。9％，普通住房上升5。5％。新建住房楼价升幅，最大系深圳升13。6％、北京升11。1％、广州升9％；下降城市有上海、丹东及温州皆不足1％。二手住房升幅最大系深圳升14。9％、大连升14。55％、郑州升12。8％。后市展望，唔同城市有唔同表现。例如1997年4月北京允许外省市人晌北京购买及租赁商品房以嚟，申领〃外省份个人在京购房批准通知单〃由1997年4月嘅三百五十份，增至今年1月嘅八千五百二十九份；成交套数由一百一十二套，增至六千六百一十三套；由过去市场占有率不足2％，到今年占10％。北京每天流动人口三百七十万以上，长期留响北京找搵工或建立机构嘅人占50％，其中一半打算响北京买房子。外省人喺北京买房子以高档公寓、别墅最多，占北京已售高档房50％，一般系买两套房或以上，一套自住、一套收租；以朝阳区最多，其次系海淀区。可以话外省人喺北京置业，成为咗支持北京楼价嘅主因。如无意外，类似美国嘅情况会出现，即边个城市经济好，边个城市房价涨；一旦涨幅太大（例如上海），又会出现调整。　

　　台湾经济令人担心　

　　台湾第二季GDP升4。5％（第一季升4。93％），主因系台湾银行减个人信贷，估计全年GDP增长率4。4％，不但落后于中国大陆嘅10。1％，更落后于香港嘅6。5％，甚至不及新加坡嘅6。1％。台湾人口二千三百万，第二季信用卡呆坏账达三百四十六亿元新台币（约八十五亿八千万港元），较一年前升四倍，台湾银行只有收紧信贷，令台湾零售市场第二季营业额跌30％，香港喺台湾有零售业务嘅上市公司亦受影响；加上私人投资不足、政府陷入政治危机，下半年台湾GDP增长率估计只有4％。台湾经济展望令人担心。　

　　交大科技（300）停牌。　

　　越秀房讬（405）　8月24日；中国海淀（256）、金利通（8256）、恒富控股（643）、第一拖拉机（038）、理文集团（746）、日本亚太事业（603）　25日；中航科工（2357）、禹铭投资（666）、中国人寿（2628）、中国建材（3323）、东风集团（489）、洛阳玻璃（1108）、东方有色（230）　28日；汉思能源（554　）、浙江沪杭甬（576）　29日公布业绩。　

　　曹仁超
　
PDF原文：
　　
原序号：282序号：
　32　
标题：
　万七以上博唔过　
来源：
　信报　
发布日期：
　2006…08…18　
全文：
　　　8月17日，周四。恒生指数跌77。98，收17373点；成交二百七十三亿六千四百多万元。8月期指收17408点，跌54点。恒指表面上同5月8日指数差唔多，但个别股份股价变化却好大【表】。表现最出色系中移动（941），跑赢大市11。18％，其次系中海油（883），跑赢5。8％；国泰航空（293）跑赢4。23％。表现最差系德昌电机（179），受铜价大升拖累，跑输大市17。97％：九仓（004）跑输12。33％；招商局国际（144）跑输10％。今时今日拣股最重要；至于非恒指成分股变化更大。换言之，同样跟恒生指数，所揸股份互异，便会产生唔一样嘅后果。拣股唔炒市，后市仲喺咁样。　

　　美消费放缓影响德昌招商局　

　　今年至今为止，道指工业平均指数喺11000点上上落落共十八次。各位如果市好睇好、市淡睇淡，保证你今年好头晕。我老曹系趋势追随者，唔系炒家，请唔好问我老曹明天个市会点？因为我老曹唔知！今年投资策略系5月出货（Sell　in　May），6月买番，因为跌穿二百五十天移动平均数之时，分析员通常过分睇淡。今天恒生指数最高见17506点，系咪应该减持？要事后才知道。　

　　今年5月开始二线股表现唔及大价股，令升降指数不断回落。上述情况反映呢次恒生指数创新高，不但唔系进一步睇好讯号，反而要小心！虽然美国CPI核心指数只升0。2％（6月份升0。3％），但CPI上升0。4％　（6月份升0。2％），未确定通胀率已受控制，只系畀联储局多D空间可以再睇定D，毋须急于响9月20日加息。从金价及油价表现睇，亦唔排除加息周期已完成，但上述亦唔系乜嘢好消息。过去历史证明，自停止加息后，只有1995年嗰次系入货讯号，其余都系出货讯号。美国GDP进入低增长期，CPI有较高增长，形成前景唔明朗。如美国消费增长率减慢，对中国境内工业股影响系点？内地工业股过去已承受原材料价格、工资压力及运费上升嘅压力（今年工资升幅约15％），如再加上订单数量减少，今年圣诞节肯定苦过DD；上述影响航空业前景，亦系恒指成分股中德昌电机同招商局国际表现咁差嘅理由。至于九仓表现咁曳，相信系商铺租金见顶嘅讯。　

　　美国短期利率五厘二五；加上美国房产喺一年前已开始下调，但今年7月汽油价格上升，上述利率唔算过高，亦唔算偏低，已足够令美国经济开始软着陆。今年上半年美国人工资仍升8。7％，标普五百间上市公司第二季纯利上升15％，美国十年期债券孳息率6月份见五厘二五后，依家已回落到四厘九。从债市睇，相信软着陆已开始；如再睇5月份起中小型服份嘅表现，股票市场亦为软着陆做准备工夫。未来美国GDP增长率估计只有2。5％左右。　

　　6月13日至今恒生指数上升，应该系反弹，投资策略宜保守。喺恒指万七点以上，风险大于回报率，博唔过！睇番附表，6月13日至今嘅反弹，只有少数地产股能打破5月8日高点，大部分地产股股价仍低于今年5月8日高价，此乃香港物业市道转弱嘅讯号。除写字楼价格外，其余香港物业售价已从高峰回落。　

　　虽然美元加息周期可能完成，但欧罗去年12月起至今加息共四次，依家利率三厘，加息周期未完成。至于日本，今年7月14日刚开始加息至零点二五厘，加息日子仍十分长。换言之，全球加息周期未完，如欧罗同日圆再加息，估计年底美元汇价将见13。2美元兑1欧罗及113日圆兑1美元，美元弱势可令美国CPI上升速度喺年底前唔会慢下来。中国人民币年底前估计亦再加息零点二七厘，即未来楼按贷款利率将超过六厘（因今年4月28日加零点二七厘未见功效），估计下一次人民币不但加贷款利率，同时亦加存款利率，至于能否冷却内地GDP增长率？木宰羊。　

　　洛克菲勒令石油大量普及　

　　7月份美国CPI升0。4％，即美国通胀率仲喺上升而非回落，只系核心CPI（剔除油价及食品）才回落。但一般人感受到嘅系通胀，唔系核心CPI（除非你系深山大野人，唔用油、唔食嘢），即使以核心CPI增长率计系2。7％。高出贝南奇要求嘅1至2％。股市短期上升，莫名其土地堂。　

　　8月11日前欧洲央行共出售三千二百万欧罗黄金（大约两吨黄金），另有一百六十吨黄金喺9月30日前推出市场。欧洲央行似乎等候高价出售黄金！今年第二季投资者共吸纳二十六亿美元嘅黄金（去年同期为十五亿美元），约为一百三十吨（去年同期一百零九吨）。呢批高价入货嘅投资者未来唔知会唔会转为抛售，令黄金前景较不明朗。　

　　嚟自巴西生产嘅乙醇及嚟自加拿大嘅油砂产量，能否改变未来油价方向？将决定未来能源股命运。不过，美国汽油价六十美仙一加仑及揸住架SUV通山跑嘅日子渐成过去！嚟自中国及印度嘅石油需求早已改变全球原油供求，未来石油高价系咪止于七十八点五美元一桶？1980年起嘅石油供应过剩期1999年结束，未来十五年系石油供不应求年。加拿大有一万七千亿至二万五千亿桶原油蕴藏