曹仁超文集-第280部分
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
换崃钅惴稚瘢薹ㄌ峁┬环粗没チ绊冉嫌屑貑戏治鑫恼拢ㄓ绕湎担鼶收费网站，或上别人嘅blogs睇人家分析！）换言之今时今日做day…trade已十分专业，唔系玩玩吓，再唔系业馀性质。
金钱与性，过去父母都唔会同子女讲。但现代社会，连政府亦鼓励做父母者同子女谈性；至于金钱通常做父母往往向子女夸耀自己儿时点样穷，例如买唔起新鞋过年、结婚之时仍冇楼……。时移世易，战后婴儿出生之时贫穷占大多数；反之七、八十年代出生者，当时香港经济已进入起飞期。连穷人子女亦可随时穿新衣，畀唔起首期者亦可买楼结婚。再同二十多岁嘅子女讲自己细刚点穷，只会形成代沟。作为父母。最好唔好限制子女发展，因为行行出状元，佢想做歌星，亦不妨让佢去试，自己喺金钱上可支持佢发挥天分与兴趣；如佢无法诚飒红歌手，起码亦满足咗佢嘅欲望，然后再做其他事业。有条件选择自己爱做嘅事只追求快乐，已经好幸福。要求子承父业，往往令儿子唔快乐，到头来自己亦唔快乐。自己系医生，儿子点解不能诚飒歌手？职业无分贵贱，你自己系建筑师，儿子点解唔可以诚飒厨师？出名嘅厨师收入随时多过一位普通建筑师。儿子喺七十年代连大学都唔返，留喺车房砌线路板。系唔系好唔生性？原来佢系苹果牌电脑创办人。儿子考入哈佛大学读咗一年就唔读，同D同学仔唔知搞乜鬼。你会唔会发火？原来佢系盖茨，即今日世界首富！儿子唔读书通街跑去试别人嘅咖啡味道系点，系唔系好激气？原来佢日后开嘅星巴克咖啡店可以雄霸全球！我地一代讲点样努力工作、克勤克俭，新一代讲求创意及改变。只要你冲嘅咖啡好饮，已可诚飒全球大生意，你可接受上述改变吗？行行出状元，点解一定要逼个仔做专业人士？让你嘅子女发挥所长，但同时教晓佢如何理财，便唔使担心佢日后有钱。
越南股市市值有望大增
有人天生系理财专家。点样将一个想法、意念变成财富亦非天生，而系经过后天学习。毕非德响小孩子时期已学晓投资，因此畀小小钱子女去做投资，令佢地学晓赚钱同蚀本，建立正确理财观念，保证一生受用。金钱如果唔系自已赚返嚟，会有腐化作用。如你一味畀钱子女而唔系教晓佢地钱搵钱，佢地唔会明白金钱价值，好易会浪费掉；反之，钱系佢地自己辛苦赚回来，便会珍惜，每次用钱时会衡量值唔值而不会fooling around！
过去九年，升幅最快系大学学费；过去十年，贬值速度最快相信系大学生薪金。政府为咗减少教育经费拨款，容许大学自1997年后向学生加学费（即使喺通缩期）。大学毕业后，搵事做嘅大学生薪金未因学费增加而上升，反而下跌，例如1997年一万八千元月薪才请到港大毕业生，今年一万一千元已请到；过去九年大学学费升幅大于40％，而毕业出嚟嘅大学生起薪点却下跌38。9％！站喺投资角度睇，投资子女读大学完全系〃高投入、低回报〃项目。
越南政府希望上市股票市值从依家相等于全国GDP 6％，大幅提升至20－30％，时限五年，方法系让更多国有企业上市，包括Mekong Delta Housing Bank、越南投资与发展银行、越南工商银行、越南保险公司、胡志明市保险公司、越南电力公司、越南邮电公司及多间钢铁、水泥厂等等，大部分喺2010年前完成上市。家吓亚洲各国股市市值系该国GDP嘅一点二七倍，只有越南系6％，实在太细；估计2010年越南GDP将达八百亿美元（年增长率8％计），即四年内越南上市公司总市值暴增七倍，才占GDP 20…30％。越南股市正进入快高长大期；另一方面，又能否吸引大量资金流入去消化大量上市国企股份？到底系机会抑或系危机？
曹仁超
PDF原文：
原序号：300序号：
50
标题：
天水围楼价柏林可买楼
来源：
信报
发布日期：
2006…09…05
全文：
9月4日，周一。恒生指数升90。16，收17513。88；成交二百八十六亿二千三百多万元。9月期指高水，升126点，收17533点。地产股、国泰航空（293）、中国国航（753）南方航空（1055）以及德昌电机（179）、中石化（386）等升幅较大。未来展望：一、利率已见顶；二、油价正在回落；三、CRB商品指数跌穿上升轨。
投资策略早已由睇好或睇淡后市，改为资产分配（asset allocation）为主，例如几多资产应分配喺边一行业龙头股上。过去睇好资源价格嘅大前提下，资源股自然占投资比重（weighting）多D；今年5月开始金价下跌后，逐步减少资源股所占比重、增加地产股所占比重。8月起投资组合中又再增加航空股及类似德昌电机呢类用铜量较多股份所占比重……。换言之，随着潮流改变而不断改变自己嘅投资组合，例如夏天穿T恤、牛仔裤；秋凉之后仍可穿T恤、牛仔裤，但外面宜加件外套；到咗冬季，当然要换季着番件冷衫。资产分配原理亦一样，随着股市改变，亦可改变自己嘅投资组合以求达至较佳回报，并应放弃猜测后市方向，以免犯上6月13日时睇淡（因恒指跌穿二百五十天线）及乜嘢恒指出现“上升楔形”嘅谬论。透过改变资产分配去达至较理想回报，才能适应目前嘅上落市，不然炒上炒落，左一巴、右一巴，都唔知点算好。
中国银行可中长线投资
中国四行“工、农、中、建”，今年上半年工行纯利上升17％、农行升17。92％、中行（3988）升19。72％、建行（939）升13。3％。今年上半年以中行胜出，纯利升幅最大（部分理由可能同上市有关）；过去农行一直畀人最弱嘅印象，喺励精图治下，今年上半年纯利升幅排第二；工行亦唔弱，反而建行成为大落后，纯利只升13。3％（同志仍须努力！）。改革开放政策下，通常工业先行，因此1980至2003年系内地工业股嘅黄金年；2003年起愈嚟愈多工业股升幅落后大市，改革开放第二波应系地产同金融；大部分由1998年起步，依家刚完成第一个九至十一年循环周期（通常升得快、跌得快），而进入第二个九至十一年循环周期（即稳步上升期），最后进入爆炸性上升周期，估计喺2025年左右才系中国房地产及金融业最高潮。地产及金融第一个上升周期系高风险、高回报，赚得多但同时失败率好高，因内地法制（尤其有关房地产及金融业）未健全。第二个上升周期应该系稳定上升期，尤其系中国四行，至于边个系行业龙头大哥？今年上半年中行以纯利上升19。72％跑出，暂时做住龙头大哥地位，我老曹诚意向各位推介中国银行作为中长线投资，希望结果一如九十年代初期向各位推介汇控（005）成绩一样，带嚟超过十倍回报！
工行嘅贷款能力过去三年表现出色，同时不良贷款比率及所占比重双双下降，亦绝对不宜忽视，随时有机会重夺龙头大哥地位。
农行更系黑马，近年重整贷款结构，收到积极效果，上半年吸收优良客户五千六百五十八户、优良贷款一万四千九百二十三亿元、淘汰客户减少二万零一百六十四户。喺重组贷款方面已收积极效果，配合中央近年支持农业政策，今年上半年坐二望一。
中行嘅优势系因为有中银香港（2388），喺发展风险管理体系、审慎贷款业务上早着先鞭。中银香港近年喺香港积极争取地产贷款，而中国银行晌国内地产贷款业务上一向比较低调，一旦发力开拓呢个重要贷款市场，未来纯利增长可观。
建行喺争取贷款方面列四行之首，面对外界批评认为有负“十一·五”规划精神，结果令建行进行调整，改为改善贷款质量而不着重贷款增长，形成今年上半年纯利升幅有D落后。
综合而言，四行仍处于改革期，由过去以社会责任为使命转型为股东利益设想，需要时间慢慢适应，何况四行之中仍有两间未上市。呢场四行龙头大哥争夺战只系刚刚开始，中国银行虽然暂时领先，亦不宜沾沾自喜，请记住龟兔竞走嘅故事，漫漫长路，别人可能留前斗后。汇控喺八十年代唔系被指大笨象咩？九十年代变成小飞象，初期唔系人人唔信咩？
新股热再度升温
香港新股热度再升温，未来两个月集资数目将达一千六百亿港元，上市公司将达十三家！包括招商银行、中海油化学、石油后勤服务公司巨涛、京客隆超市、上海地产发展商盛高置地、生物柴油生产商古杉能源、中国工商银行、瑞安房地产、山东招金、上海锦江饭店等。香港已成为中国金融中心了，呢点无可置疑。
中国宏调下，除上海房价因炒得过分而回落外，其他大城市未见不良反应。例如北京东五环外朝阳北路嘅万家新天，6月售价七千三百元一平方米，依家售价七千九百元一平方米，再升8。2％；全国七十个大中城市，除上海外，平均楼价5月至8月涨幅5。7％，只系交易量下降，售价一样上升。4月28日中国人行宣布贷款加息零点二七厘、8月再加，似乎未见成效。
内地各省市推行最低工资制度，结果变成最低薪酬。例如北京9月1日起执行最低工资标准，每小时不低于三元八角二分，结果大部分公司以每月六百四十元招聘；数据显示，十六个职业中，有十四个以政府最低工资标准为底线，占87。5％。最低工资原意系保障工人收入，结果变成压抑工资上升！愈系最低层工作，劳动人口供应愈大，订下最低工资，结果反令资方理直气壮地用最低工资请人，你唔捞马上有人接替你，劳工薪金反而长期受压；其次亦令劳工失去工作热情（反正系最低工资，做得好亦有用）。以我老曹为例，以高出政府所订嘅菲佣最低工资聘请菲佣，我老曹相信如你用高于最低工资10％去聘用菲佣，可令佢发挥积极性；但吾妻认为有理由每月畀多几百蚊，往往话邻居用政府所订最低工资聘请菲佣，唔系一样咁勤力咩？吾妻并非孤寒，而系受政府订下最低工资影响，以为自己多畀几百蚊菲佣系贵咗D！
最低工资制度祸害浮现
换言之，最低工资制度绝对系好心做坏事！劳动市场错配情况愈嚟愈严重。自从1960年香港制造业内移及中国内地人可合法每年有三万六千人进入香港后，结构性就业矛盾渐渐浮现。愈系低薪工作，劳动力供应愈充足；愈系高薪工作，愈难请到合适人选。经过二十六年时间，形成高、低薪工作薪酬相差十万八千里。有人工资低至四千元一个月，但唔少年薪三百万嘅职位却搵唔到人。如何解决？晌外国，嗰D无法喺大城市搵合适工作者，可到二线城市搵事做，但喺香港却有困难。外国可以吸引全国精英集中喺一个大城市（例如金融业集中喺纽约，电影业集中喺荷里活、软件业集中喺硅谷……）。香港却无法办到。至于再培训，响外国亦无法成功，香港又点样成功？结果不外一个低薪行业工作者抢走另一个低薪行业工作者嘅职位，最终令所有低薪行业工作人口皆出现供过于求。请劳工界代表返去大陆睇睇最低工资制度所带嚟嘅祸害！
过去英国房地产升足十年，今年才开始走下坡；过去德国房地
