曹仁超文集-第81部分
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
业收购或被迫关门歇业。依家民营炼油厂加工能力仍超过八千万吨一年，占全国炼油能力四分一但国家分配原油只及民营炼油厂加工能力嘅十分一令民营炼油厂长期处于半停产状态。今年1月新法例〃原油市场管理办法〃及〃成品油市场管理办法〃，亦只系畀成品油批发及原油销售市场准入条件，民企仍不能直接从国际市场上批发及进口原油和成品油，根本上帮助唔大。国内成品油80％以上由两大国营企业供应，而成品油零售定价可上下浮动8％，但成品油批发价却唔确定；加上石油资源由两大集团控制，民营企业生存空间好窄，只能依附喺国企身上。1992年中国政府将石油市场开放，唔少民营企业投资十几亿元喺加油站、仓储及炼油厂上，至今多数处于半闲置状态或倒闭。中国加入WTO答应今年1月起石油市场半开放，但按照今年1月新规则，民营炼油厂、仓储及加油站等生存空间又有几多？
民营石油企业奄奄一息
全国海陆沉积地盘系五百五十万平方千米，三大国营石油公司登记咗其中四百三十五万平方千米，余下嘅都系唔被睇好嘅区块。民营勘查公司又点样生存？以2003年为例，国营公司八百七十五个勘查中，冇完成最低勘查嘅专案达四百八十个，占总数55％。中国石油嘅勘探权、开采权、炼油权都缺乏竞争性，再加上油税偏低，造成石油资源效益唔高，例如三大国营企业占去大量沉积地盘而唔勘探，近百家民企因有勘查权及采矿权造成人才及器材闲置，家吓民营炼油厂产能只获利用十分一系咪形成三大国营油公司2000年起取得暴利部分原因？唔似金融业，国营银行面对嘅竞争对手系跨国大银行，国营石油企业所面对嘅竞争对手只系半死不活嘅民企。喺中石油发现渤海湾消息刺激下，国企石油股又再上升，可怜内地从事石油产业嘅民企已奄奄一息。
回国做石油生意？都系投资上市国企油公司来得划算也！
地球系一个水多嘅星球，但其中97％系海水，淡水只占2。53。上述淡水中，深层地下水、两极及高山冰川、永久性积雪及永久性冻土又占去淡水总量97％；湖泊、河流、浅层地下水只占总淡水存量3％，约一百零四万六千亿立方米。整个地球生物便依赖上述嘅淡水生存，可见淡水几咁短缺。未来水产业应系另一值得睇好嘅行业，其中最有前途系污水处理及海水化淡。
新世界中国（917）、绿城（3900）停牌。
天下媒体（8167）、长城微光（8286）、星美出版集团（8010）、世纪阳光（8276）、天元铝业（8253）、老虎科技（8046）、浙大兰德（8106）5月15日公布业绩。
曹仁超
PDF原文：
原序号：88序号：
38
标题：
人人期待恒指创新高
来源：
信报
发布日期：
2007…05…07
全文：
5月6日，周日。五一黄金周本港唔少商店延长营业时间到深夜十二时，以吸收内地自由行嘅购买力。由于内地股楼皆升，内地人十分疏爽，相信本港零售业受惠唔少，但会否引发一轮投资本地零售股潮则木宰羊。由于周一系五一黄金周假期，一般估计，五一黄金周后内地A股会继续高开。人人期待本周恒指打破1月24日高点20971。46，好友发现今年仲系佢地嘅世界，并开始质疑Sell in May嘅传统智慧。去年高潮喺5月、低潮喺6月；今年高潮喺1月、低潮喺2月？过去四年唔少人嘅资本上升一倍、两倍甚至三倍。金、铜、煤、油及天然气股都为投资者带来丰厚利润，去年内地金融股表现亦好出色，今年又点？无论乜嘢时间，总有D项目出现牛市，问题系你搵唔搵到。
地球表面70％由水覆盖，但只有其中温巴仙嘅水可以饮用！如我地能够好好利用沙漠，亦可变成绿洲。
投资水源未来利润可观
淡水成为愈来愈重要嘅资源，今天投资水资源一如五年前投资石油股一样，相信未来五至十年可为投资者带来可观利润。拣行业（sector）愈来愈重要！
以过去五年为例，表现最出色行业系能源。其次才系房地产，第三系银行、第四公用、第五金融保险、第六原材料、第七零售业；表现最差者有传媒股、电脑软件股同建筑股。虽然香港经济复苏已有四年，上述行业未见受惠（或受惠有限），例如报纸受免费报纸打击，无论壹传媒（282）、东方报业（018）股价亦唔见得出色；有线宽频（1097）受now抢生意，影响亦大。最近查氏家族入股ATV，未来电视广播（511）前景点睇？有竞争才有进步。不过，竞争激烈嘅公司业绩一定退步，任何竞争过分激烈嘅行业，前景都唔明朗。但未来系不可预测嘅，例如六十年代最备受睇好嘅美股系通用汽车，但去年通用汽车纯利主要来自财务公司GMAC，至于汽车制造业早已成为无利可图嘅生意。苹果电脑凭着iPod及iPhone，过去四年股价由六美元升到一百美元！1989年全球分析界睇好日本，中国因受六四事件打击，人人睇淡；今天日本须依赖出口产品到中国市场去拖动GDP增长，中国股市则面对过热。上述种种都告诉各位，人系冇预测能力嘅，例如内地A股由今年1月起至今，几多分析员一再认为偏高，四个月过去，A股指数不但有回落，反而再升50％。普通人只见开花结果，有智慧嘅人才会寻根问底。今天美国GDP80％来自服务业，其中70％同消费有关；服务业同消费业较少受经济盛衰影响，唔同制造业，一旦面对存货过剩，公司纯利便急跌甚至出现亏损。服务业同消费业都系纯利较稳定嘅行业，此乃1982年起至今美国经济再冇出现衰退（即连续两季GDP负增长），只出现两次软着陆，即1990年首季及2001年第三季（GDP出现一季负增长）。去年5月贝南奇所鼓吹嘅黄金岁月，即经济不太热亦不太冷，至今为止经济仍然系咁。
中国人同日本人有好多相似嘅地方，例如努力赚钱（hard earn money）但创富能力低（make money），因此只有制造业表现出色。美国人却系创富专家，例如微软公司创造咗几多财富？近年苹果亦创造唔少财富，仲有Google……。
中国人喜欢强调中国GDP高增长，以中国去年二万亿美元GDP计增长10％，亦只系增加二千亿美元；美国GDP十二万亿美元，增长3。5％系增加四千二百亿美元！十三亿人口多赚二千亿美元叫高增长，三亿人口多赚四千二百亿美元叫低增长？
股市症候群睇得通才可免疫
过去四年全球各国央行货币供应增长率达年率18％，响咁高速货币供应下，唔出现全球资产大幅升值才怪，此乃2003年全球至今经济繁荣嘅背后理由。根据奥国经济学派理论，透过增加货币去刺激经济增长，只系扭曲经济，迟早由资产升值转为资产贬值，经济出现Boom & Bust无可避免。1985年《广场协定》G7迫日圆升值，日本银行唔服而滥发日圆去减慢升值速度，同时宣布减息以阻止外资流入，结果引发日本泡沫经济，前后四年多时间。1990年美国经济出现软着陆，美元回落兼减息，香港为阻止港元升值，不但将利率降至通胀率之下，同时多多都兑换美元（有几多美元流入，香港便发几多港元）。低利率及信贷大幅膨胀。令香港泡沫经济维持咗七年，泡沫到1997年8月才爆破。2001年1月美国联储局因担心通缩而将利率由六厘二五降至一厘，美元汇价受殊仔宣布大幅减税产生财赤及贸赤影响而贬值，资金大量流向中国、印度及其他新兴市场。中国政府同样宣布减息及多多兑现人民币换美元，去阻止人民币升值；2003年起内地楼价上升、2005年起内地A股市价狂升。至于可维持几耐？冇人知道。奥国经济学派只话畀我地听：政府咁做经济必出现Boom & Bust，至于时间会几多耐？日本系四年半、香港七年，中国则木宰羊。
在中国股民大扩容时代，股市症候群迅速扩散，只有睇得通嘅人才可免疫。股市症候群与恋爱症候群相似，例如经常患得患失；一时欢喜若狂，一时又痛彻心扉；有时火爆有时又情绪低落，即使赚到蚊年，只要别人赚得较自己多，已经唔高兴。热恋时期之人，一日不见如隔三秋；股市症候群亦一样，一天不谈股便觉得生活乏味。办公时间偷偷睇股票行情者众（一如热恋中嘅男女去洗手间讲电话一样），男男女女三五成群大家交换股票贴士，搞到茶饭不思甚至疯狂购物。炒股同恋爱一样，大部分系盲目嘅，只有理性嘅人才可搵到好伴侣，经常换画者最后必失恋收场。内地A股泡沫冇人知呢段日子可维持几耐，未来调整幅度几大及对中国实质经济影响系点？今天中国GDP全球排名第四，并拥有全球最大外汇储备，因此如中国出事，一定影响全球，但又唔知影响有几大。同日本、德国唔同，佢地一度被美军占领，美国可迫日圆同马克升值；中国系拥有100％主权国家，毋须畀飞士美国，唔会响美国压力下调整人民币汇价。换言之，1985至94年喺日本出现嘅情况（日圆由240兑1美元升至79日圆）一定唔会响中国发生，但唔代表类似1990至2003年港式经济情况唔会喺内地重演。中国同香港唔同，至今中国仲系有外汇管制嘅国家，资金流入容易流出困难，1990至97年港式经济泡沫亦唔可能喺中国重演。至于出现1997－98年式国际大鳄群起攻击港元汇率制度，喺中国更加唔会出现。
中国经济泡沫系一次全新体验
展望未来，估计人民币仍保持年率6％速度上升（一如2006年）因此中国泡沫唔同日本泡沫，亦唔同香港泡沫，唔好硬把日本1985至2003年嘅情况套入中国，亦唔好用1990至2003年港式泡沫去预测中国。中国经济泡沫表现系另一次全新体验。中国经济可否避免Boom & Bust结局？随着经济环球化，经济盛衰周期愈来愈长，行业盛衰取代整体经济盛衰。美亚证券分析员响4月16日发行嘅《福布斯》发表意见，认为从可靠数据睇搵唔到衰退嘅影子，喺可见将来（或整个2007年）出现衰退嘅机会接近零！
深圳去年买楼置业者，超过30％喺获得产权证后半年内转手。深圳蓝皮书《中国深圳发展报告2007》话，深圳登记在册商品房产权人数一百零九万五千人，其中87。39％只拥有一套住房。获得产权证后半年内转手者占30。31％，三年或以上才转手者占28。11％，证明炒家所占比重仍然相当大！
深圳居民可接受住房单价系六千至八千元一平方米嘅占25。64％、八千至一万元一平方米占17。52％、一万至一万二千元一平方米占16。67％、二万元以上占14。53％。市民对楼价一升再升已产生抗拒。广州住宅3月份租金较2月份升0。75％，系连续下跌六个月后首次止跌回升；3月份住宅租金指数1079点，较2月份上升8点；一房一厅月租一千二百七十五元、二房一厅一千六百一十二元、三房一厅二千四百元。五一期间所作调查，49。07％广州市民相信未来租金同楼价续升。国际公认租售警戒线系一比二百（即楼价高出二百个月月租便好危险），依家北京、深圳、上海租售比达一比二百七十至一比四百，早已过咗警戒线。
1997年贝理雅上台之时，英国住宅物业平均只卖六万
